Innovation Greenland

Whistleblower

Greenland Holding, Innovation Greenland, Greenland Venture, whistleblowerimik ataatsimut aaqqiissuteqarput, tassani siunertarineqarpoq ingerlatsiviit naleqartitaasa, malitassarititaanillu taakkuussusiannik, ilisarnaataannillu tapersersueqataasoq. 

Whistlebloweritut nalunaarutit ingerlatsivinnut taaneqartunut sulisuinut, siulersuisulluunniit ilaasortaanut sammiveqassaaq:

  • Greenland Holding A/S
  • Innovation Greenland A/S
  • Greenland Venture A/S

Isumaqarporlu ingerlatsiviit allat pillugit maana whistlebloweritut nalunaarusiussanngikkitit, nalunaarutiginagillu.

Whistleblower-imik aaqqiineq avataaniit datatigut Nuna Advokater-nit suliarineqartarpoq, taamaalillunilu isumannaatsumik kinaassutsimillu isertuussisumik  nalunaarusiorsinnaatillutit.

Kinaluunniit whistleblower-itut nalunaaruteqarsinnaavoq

Ataani allassimasutut inissisimaguit nalunaaruteqarnissannut periarfissaqarputit:  

  • Greenland Holding-imi, Innovation Greenland-imi, Greenland Venture-mi sulisutut aamma siulittaasut ilaasortatut
  • Sullitatut, Greenland Holding-imit, Innovation Greenland-imit, Greenland Venture-mit aningaasalerneqarsimasutut allatulluunniit sullinneqarsimasutut
  • Greenland Holding-imut, Innovation Greenland-imut, Greenland Venture-mut suleqatiginnittutut
  • Inuit avataaneersutut, nalunaaruteqarnissamut pissutaasunik allassimasunik ilisimasaqartutut imaluunniit ilisimaqarsorisutut
Nalunarutiginninnermut pissutissaq

Allassimasut uaniittut tamaasa, unioqqutitsinerit aamma annertuumik kukkuluttornerit pillugit Whistlebloweritut nalunaarutigisinnaavatit:

  • Aningaasatigut annertuumik pinerluuteqarneq, taassuma iluani akiliilluni peqquserlutsitsineq, peqquserlunneq, peqquserlulluni allagaasiorneq assigisaallu
  • Kukkunersiuinermut aamma nammineq kukkunersiuinermut pissusissamisuunngitsunut tunngasut
  • Avatangiisinik mingutsitsineq
  • Suliffimmi isumannaallisaanikkut pissutsini maleruagassanik annertuumik unioqqutitsineq
  • Sulisoq pillugu pissutsit ilungersunartut, taakkununnga ilaallutik tarnikkut timikkullu nakuuserneq aamma kinguaassiuutitigut innarliinerit               
Nalunaarutiginninnissamut pissutaanngitsut

Ataani allassimapput nalunaarutiginninnissamut pissutaanngitsutut taaneqartut, taamaattumillu Whistlebloweritut nalunaarutiginninnissamut tunngavissaanngitsut:

  • Pimmatiginninneq/ikkatiginninneq
  • Suleqatikkuminaanneq
  • Suliat tungaasigut naammanngitsunik piginnaasaqarneq
  • Suliartunngitsoortarneq
  • Sulianik ingerlatsineq
  • Suliffiup iluani qanoq atisaqarnissamik ileqqussarititaasunik unioqqutitsineq
Periarfissat allat

Avataaneersunut

Inuttut avataaneersutut, pisisartutut imaluunniit suleqatigisatut qulaani taaneqartunut assigusunik misigisaqaruit, Pisortaaneq Karsten Høy aqqutigalugu maalaaruteqarsinnaavutit imaluunniit ilisimatitsissutiginnillutit.

Iluaniittunut

Greenland Holding, Greenland Venture aamma Innovation Greenland atorfeqarfigalugu imaluunniit siulersuisutut ilaasortatut saaffiginnissutit pisortarisannut imaluunniit HR-imut ingerlatissinnaavat.

Whistlebloweritut nalunaaruteqarit

Nalunaarummik tunniussaqarniaruit ukuninnga ilanngussinissannut kaammattorneqarputit:

  • Kinaassutsit, atuuffiit aamma attaveqarnissamut paasissutissat
  • Pisup nalunaarutiginninnut tunngaviusup allaaserinera
  • Naleqquppat kinaassuseq, atuuffik attaveqarnissamullu paasissutissat uunga:
  • inuk kinaluunniit pisumut nalunaarutiginninnermut tunngaviusumut akisussaasoq
  • inuk kinaluunniit pisumut nalunaarutiginninnermut tunngaviusumut ilisimasaqarsinnaasoq
  • Naleqquppat allagartaq uppernarsaataasoq sunaluunniit imaluunniitt uppernarsaat alla sunaluunniit nalunaarummik misissuinermi atorneqarsinnaasoq
  • Paasissutissaq nalequttoq alla sunaluuniit

Nalunaarutivit tiguneranut uppernarsaammik misissuisumit (Nuna Advokater-mit) nassinneqassaatit.

Whistlebloweri pillugu attaveqarfissaq

Greenland Holding, Innovation Greenland aamma Greenland Venturep whistleblowerimut aaqqiissutaat pillugu apeqqutissaqaruit, paasisaqarnerorusullutilluunniit Allaffissornermi pisortaaneq Bodil Marie Damgaard attaveqarfigisinnaavat.

Scroll to Top