Innovation Greenland

Ineriartortitsinermut tapiissutit

Ineriartortitsinissamut tapiissutit inuussutissiornernut nunamiittunut tamanut tapiissutaasinnaapput.

 

Ineriartortitsinissamut tapiissutit tunisassiap pilersinnissaanut ineriartortinnissaanullu atatillugit susassaqartitsinernut, tunisassianik pissarsinernut, kiisalu sullissinernut atorneqarsinnaapput. Assersuutigalugu isumassarsiamik pilersitsiniarnermut, matumanilu niuerfimmi misissuinissamut tunisassiamulluunniit prototypiliornissamut, taperneqarnissamut qinnuteqartoqarsinnaavoq. Suliffeqarfimmik pilersitsininni maskiinanik, atortorissaarutinik allanillu pissarsinissamut qinnuteqarsinnaavutit. Niuerfigisatillu annertusiniarlugit ussassaarileruit ussassaarinermut aningaasartuutit akilertinniarlugit qinnuteqarsinnaavutit. Tassa imaappoq, suliniut killiffilersorlugu agguarneqarsinnaavoq, taamaaliornikkullu arlaleriarluni tapiiffigineqarsinnaalluni. Eqqaamassavalli, suliniut aatsaat taperneqarnissaanut akuerineqarsimappat aallartinneqarsinnaammat. Qinnuteqannginnermi suliareriikkat (iliuuseriikkat) allatigulluunniit aningaasartuutit taperneqarnissaannut qinnutigineqarsinnaanngillat.

Paasissutissat

Aallarnisaasartut nunami inuussutissarsiummik aallartitserusuttut. Matumani pineqarput sullissinermi, takornarialerinermi, suliffeqarfissuarni (industri), niuernermi, akunnittarfilerinermi, IT-mi, misigisassarsiornerni allanilu  suliffeqarfiit aamma/imaluunniit susassaqartitsinerit. Taakku saniisigut siunertaq allanit tapiissutinit taperneqarsimassanngilaq, soorlu pisortanit tapiissutit ilinniartitaanermut, aalisarnermut, nunalerinermut kultureqarnermulluunniit tunngasut.

 

Qinnuteqartoq taperneqassaguni cvr normumik pilersitsisimasuussaaq. Matumanilu pineqartoq ingerlatseqatigiiffilluunniit Kalaallit Nunaanni najugaqarnissaa kiisalu Kalaallit Nunaanni akileraartussaatitaanissaa pingaaruteqarpoq.

 

Suliffeqarfik namminersortumit pigineqassaaq. Namminersortumit pigineqartoq ima paasineqassaaq, suliffeqarfik kommunimit Namminersorlutilluunniit Oqartussanit 49 %-imit annerusumik pigineqanngitsoq.

 

Tapiissutinik agguaanerni suliffeqarfiit unammillersinnaasut eqqumaffigineqartarput. Innovation Greenland suliniutinut unammeqatigiinnermut ajoqutaasinnaasunut tapiissuteqarneq ajorpoq. Tassa imaappoq illoqarfinni annerusuni qinnuteqaatit pitsaassusaasa annertunerunissaat piumasaqaataakujuttarput, suliniummi nutaaliornissamut piumasaqaatit annerullutik, niuerfiullu angissusaanik annertusaanissamut periarfissaqassalluni.

  •  

Tunisassiamik ineriartortitsinissamut tapiissutip siunertaraa aallarnisaasartut suliniutinik annertuunik aallartitsinissaannut periarfissinnissaat suliniutaannillu aningaasalersuinissaannut ikiorserneqarsinnaanissaat. Suliniutit inuiaqatigiit aningaasaqarnerannut iluaqutaallutik tunisassiornerulertitseqataassapput suliffissaqarnerulersitseqataallutillu.

Tunisassiamik ineriartortitsinissamut tapiissutit annerpaamik aningaasartuutit uppernarsaatillit 50 %-iinut atorneqarsinnaapput, annerpaamillu suliniummut ataatsimut 300.000 kr.-iusinnaallutik.

Innovation Greenland ingerlatseqatigiiffeqataalu Greenland Venture aningaasaliissutissanut ataatsimiititaliaqarput, taakkulu qinnuteqaatit nassiunneqartut nalilersortarpaat isummerfigisarlugillu. Allaffissornissamut ilitsersuut naapertorlugu piumasaqaatillu maani allassimasut malinneqarnersut apeqqutaatillugit aalajangiisoqartassaq.

Qinnuteqaatinni uku allagaatit ilanngutissavatit:

  • Ingerlatsinissamut pilersaarut
  • Aallarniinermi aningaasartuutinut missingersuutit
  • Ingerlatsinermut missingersuutit
  • Aningaaserivimmit oqaaseqaat
  • Pilersuisumit neqeroorut

Ingerlatsinissamut pilersaarusiussaatit, tassanilu nassuiassavat ingerlatsinissamut isumassarsiaq ingerlatsinernilu siunissami takorluukkatit. Aallarniinermi aningaasartuutinut missingersuusiussaatit, ingerlatassatut isumassarsiavit aallartinnissaanut aningaasalersortariaqartut tamaasa ersarissarniarlugit, kiisalu ingerlatsinermut missingersuusiussaatit, isumassarsiavit iluanaaruteqartitsisinnaanera takutinniarlugu. Aningaaserivimmit oqaaseqaat allatigulluunniit nammineerluni aningaasaliisinnaaneq pisariaqartipparput, tassuunalu uppernarsarneqassaaq aningaasalersorneqartariaqartut tamarmiusut 50%-ii nammineerlusi akilersinnaassagisi. Taakkulu saniisigut pilersuisumit neqeroorutip uppernarsaataanik pisariaqartitsivugut. Sapinngisamik pilersuisumit neqeroorut Kaalaallit Nunaanneersuussaaq.

Qinnuteqaasiunnginninni siunnersuutigaarput kommunerisanni inuussutissarsiornermut siunnersortimik oqaloqateqaqqaarnissat, taakku ikiorsinnaassammatit.

Qinnuteqaativit tiguneranit qaammat ataaseq tikillugu sivisutigisumik suliarineqassangatinneqarpoq.

Tapiissutisissagaanni ilanngaatissanut naatsorsuutit nalunaarusiallu suliarineqareersimassapput. Tamanna qinnuteqarnissamut iserfissaq aqqutigalugu pissaaq. Naatsorsuiniaraanni pisinermi allagartat akiliisimanermullu uppernarsaatit, soorlu kontup assilinera dankortilluunniit allagartaa, uploaderneqassapput. Massuma kingorna aningaasartuutaasimasut 50%-ii akilerneqassapput.

Scroll to Top

0-10-mut naliliissaguit, qanoq ilimanartigiva innovation greenland innersuutiginissaa ikinngutinnut, suleqatinnuluunniit?

Annertunngilaq Innersuuppara assut

Pingaarnertut nalilersuininnut peqqutaa?