Innovation Greenland

Avammut tuniniaanissamut siunnersortinneq

Suliffeqarfimmut avammut niuernermik aallartinniartumut niuerfiup eqqortup toqqarnissaa pingaarnerpaatut sungiusarfissaavoq.

Aallarteqqaarnermi toqqaaneq niuerfimmut paasissutissat pissarsiarineqarsinnaasut tunngavigalugit misissueqqissaarnerit aallaavigineqartarput. Paasissutissat taakkua arlalippassuarninngaaneersinnaapput, aammalu siunnersuinermut aningaasaliinissaq imaluunniit niuerfiusinnaasunut angalanissaq sioqqullugu, paasissutissani pissarsiariuminartuni sukumiisumik paasiniaanissaq isumassarsiatsialaavoq.

DANMARKIMI AVAMMUT NIUERNERMUT SIUNNERSUISOOQATIGIIT NIUERFINNUT PAASISSUTISSAATAAT

Niuerfiit ataasiakkaat pillugit nalilersueqqissaarnerit Avammut niuernermut siunnersuisooqatigiit nammineerlutik immikkut ilisimasaqartuinit allanneqartut. Nalilersueqqissaarnerit amerlanerit akeqanngillat.

Tamatuma saniatigut Avammut niuernermi nutaarsiassat normut kingulliit uani atuarsinnaavatit.

Niuerfimmut paasissutissanut iserniarlutit una tooruk

AVAMMUT NIUERNEQ PILLUGU QUPPERSAGAQ

Avammut niuerneq pillugu quppersagaq internettikkut sakkussaavoq Dansk Industri-mit neqeroorutigineqartoq, quppersagaq akeqanngitsumik pissarsiarineqarsinnaanngilaq.

Innovation Greenland Kalaallit Nunaanni suliffeqarfinnut mikisunut Avammut niuerneq pillugu quppersakkami ataasiakkaanik quppersagaliorsinnaavoq, aammalu suliffeqarfiit anginerusut quppersakkamut aningaasaliisariaqarnersut siunnersuisinnaavugut.I

Paasissutissat

  • Executive planet
    Executive Planet tassaavoq nunarsuarmi ingerlatsinermi ileqqorissaarneq pillugu tuluit nittartagaat.

    Allaatigisat tamarmik inunnit nunani taakkunani aallartitaasimasunit allataapput.

    Nittartagaq taanna nunani allani ileqqorissaarneq pillugu siunersuuterpassuanik tunisivoq.

    Executiveplanet.com-imut iserniaruit una tooruk

  • THE HOFSTEDE CENTRE

    Nunat assigiinngitsut akornanni kulturikkut assigiinngissutaasut misissoqqissaarneqarnissaannut sakkussaalluartoq. Tassani nunat amerlanerit pillugit paasissutissanik akeqanngitsumik ujarlersinnaavutit, aammalu annertussusiliinerit assigiinngitsut arfinillit atorlugit sanilliussinnaallugit. Aamma sullississutinik pisinissamut periarfissaqarpoq, tassani nalunaarusianik annertunerusunik suliaqartitsisinnaallutit.

    Nittartakkamut iserniarlutit una tooruk

  • NAATSORSUEQQISSAARTARFIK – NUNANUT ALLANUT NIUERNEQ
    Kalaallit Nunaata aamma nunarsuup sinnerata akornanni niuernerup nalilersoqqissaarneqarneri Naatsorsueqqissaartarfiup ingerlaavartumik saqqummersittarpai, nalilersueqqissaarnerit taakkua saniatigut aamma Naatsorsoqqissaaakkani qarasaasiami paasissutissaasivik nammineerluni ujarlerfigineqarsinnaavoq.

    Nunani allani aningaasaqarnermut iserniarlutit una tooruk

  • ITC – MARKET ANALYSIS TOOL

    International Trade Centre qarasaasiakkut paasissutissaasivimmut annertuumut tassunga suliarinnittuuvoq, sakkussat ilaallutik: Trade Map, Investment Map, Market Access Map aamma Standards Map.

    Paasissutissaasivimmik tamakkiisumik atuisinnaaneq nunanut mikisunut arlalippassuarnut, ilanngullugu Kalaallit Nunaat, akeqanngitsumik neqeroorutigineqarpoq.

    ITC-mut iserniarlutit una tooruk

  • TARIC

    EU-p ilanngaaserinermut akuutitsiviusumik paasissutissaasivia, tassani nunat assigiinngitsut Europami niuerfinnik atuinissaminnut sunik killilersuisimanersut quppersagaliortoqarsinnaalluni. Tassani aamma EU-mut eqqussuinermut, ilanngaaserinernut ataasiakkaanut uuttorlugu, kisitsisitigut paasissutissat nassaarineqarsinnaapput.

    TARIC-imut iserniarlutit una tooruk

  • KOMPASS
    Nunarsuaq tamakkerlugu suliffeqarfinnut paasissutissaasivik, tassani nunarsuaq tamakkerlugu suliffeqarfiit milliunilippassuit pillugit paasissutissanik ujarlertoqarsinnaalluni.

    Ilisarnaatit, suliassaqarfiit, nuna imaluunniit suliffeqarfiup aqqa atorlugit ujarlertoqarsinnaavoq. Nunani tamalaani suleqatissarsiornermi aallartiffiulluarsinnaasoq.

    Kompass iserfiginiarlugu una tooruk

  • EUROMONITOR

    Nunarsuaq tamakkerlugu, suliassaqarfiit tamarmik iluanni, atuisartut niuerfiinik nalilersueqqissaarnerit annertuut.

    Tassani inuiaqatigiit aningaasaqarneranni pissutsit, atuisartut pisisartullu salliusussaatitaaneri, suliffeqarfiit, suliaqartut allarpassuillu pillugit paasissutissat pisariaqarsinnaapput.

    Euromonitor iserfiginiarlugu una tooruk

Nunarsuarmi kalaallit nunaata sinniisoqarfii

Københavnimi kalaallit nunaata sinniisoqarfia

Postboks 1915
1023 København K
tlf. +45 3283 3800
fax +45 3283 3801

Journal@ghsdk.dk

Bruxelles-imi kalaallit nunaata sinniisoqarfia

Rue d’Arlon 73
B-1040 Brussels
Phone: 32 2233 0963
Fax: +32 2233 0966

stagiaire@nanoq.gl

 

Washington d.c.-imi kalaallit nunaata sinniisoqarfia

Grønlands Repræsentation
3200 Whitehaven St. NW
Washington, D.C. 20008
Tel: +1 202 234 4300

inol@nanoq.gl

 

 

Naalagaaffeqatigiinnerup avataanut tuniniaaneq

Danmark Eksportråd pisussaavoq naalagaaffeqatigiinnerup iluani suliffeqarfinnut assigiimmik kiffartuussissalluni. Kalaallit Nunanni suliffeqarfiit qallunaat nunaanniittut assigalugit ikiorneqarsinnaapput. Eksportrådili taamaallaat naalagaaffeqatigiinnerup avataanut  ikiuisinnaalluni.

Danmark Eksportråd nalinginnaasumik akunnermut 945 kr-neqartitsivoq, aammali arlalinnik tapiinissamut periarfissaqarluni.

Aammattaaq Greenland Business-imit avammut tuniniaanermut tapissut atorluarsinnaavat.

Inatsisit

Inatsisit avammut niuerutiginninnermut attuumassuteqartut

Nioqqutissanik eqqussuineq annissuinerlu pillugit Namminersorlutik Oqartussat nalunaarutaat nr. 8, 14. april 2015-imeersoq

Nioqqutissanik eqqussuineq annissuinerlu pillugit Inatsisartut inatsisaat nr. 18, 30. oktober 1992-imeersoq

Nioqqutissanik eqqussuinermi akitsuutit pillugit Inatsisartut inatsisaat nr. 19, 30. oktober 1992-imeersoq

 

Eqqussinermut akitsuutinik utertitsisarneq

Nioqqutissanut, tunisassiami avammut niuerutigineqartumi tunisassiornermi ilaatinneqartunut, eqqussinermut akitsuummik akiliisimagaanni, Akileraartarnermut Aqutsisoqarfimmit aningaasat utertinneqarsinnaapput.

Allaat nioqqutissanut eqqunneqartunut, taakkua anniseqqinneqartussatut atorneqartussaasimappata, sioqqutsisumik akitsuusiivigineqannginnissaq anguneqarsinnaavoq.

Suliffeqarfik taamaaliunnginnermini nakkutiginneriaatsimik pilersitsisimassaaq, taamaalilluni Akileraartarnermut Aqutsisoqarfik nioqqutissanik eqqunneqartunik anninneqartunillu misissuinissamut periarfissaqassalluni.

Akitsuusiivigineqannginnissaq pillugu qinnuteqaammut sumulluunniit, ataasiakkaatigut allaganngorlugu qinnuteqaammik nassiussisoqassasoq, piumasaqaataavoq. (Immersugassaqanngilaq)

Qinnuteqaat uppernarsaatinik pisariaqartunik imaqassaaq, ilanngullugit: nakkutiginneriaatsip nassuiarneqarnera, nioqqutissap tunisassiornermi atorneqarneranut nassuiaat, tunisassiornerup annertussusaanut, eqqunneqartut tunisassiornermi atorneqartut annertussusaannut uppernarsaat, anninneqartut allattorneqarnerat, avammut niuerutiginninnissamut uppernarsaatip assilinera, IIN-imut allagartaq, akiligassiissut, nassiussat allagartai, il.il.

Apeqqutit Akileraartarnermut Aqutsisoqarfiup Ilanngaaserinermut immikkoortortaqarfianut, aamma qinnuteqaatinik tigooqqaasartumut, ingerlatinneqarsinnaapput.

nittartagaq: www.aka.gl     email: customs@nanoq.gl

 

Sulinal

Usinik eqqunneqartunik anninneqartunillu usinut nalunaarsuineq.

https://sulinal.nanoq.gl/

 

Akileraartarnermut Aqutsisoqarfik

Eqqussinermut akitsuutit, il.il.

www.aka.gl

Inuussutissarsiornermut inatsisilerineq

Danskit Inuussutissarsiornermut nittartagaanni Danmarkimi inuussutissarsiornermut inatsisilerineq pillugu atuarsinnaavutit, tamanna inatsisilerituunit immikkut ilisimasalinnit siunnersorneqarnissamik ujartuilinnginnerni aallartiffissaalluarsinnaalluni.

Inuussutissarsiornermut inatsisilerinermi ilaatigut pineqartunut ilaapput:

  • Isumaqatigiissutinut inatsisit
  • Pisisarnermut inatsit
  • Taarsiinissamik tunisassianullu akisussaasuuneq
  • Internettikkut niuernermut maleruagassat
  • Inuussutissarsiornermut inatsisilerinikkut isumaqatigiissutit aamma immersugassat
  • Unammilleqatigiinnermut inatsit
  • Nittarsaassisarnermut inatsit

Danski Sulisitsisut Inuussutissarsiornermut inatsisilerineq pillugu nittartagaannut iserniarlutit una tooruk

Fødevarestyrelsip Kalaallit Nunaanni uumasunut nakorsaqarnermut inuussutissalerinermullu suliassaqarfimmi suliassat arlallit isumagisarai.

Fødevarestyrelsip inuussutissanik eqqussinermut niueqatigiinnermullu takussutissiaanut una tooruk

 

Akisussaaffigilerlugit tiguneqarsimasut imaluunniit tiguneqarsimanngitsut?

Ataatsimut isigalugu uumasunut nakorsaqarnermut inuussutissalerinermullu suliasaqarfik, Kalaallit Nunaanni niuerfimmut tunngatillugu, akisussaaffigilerlugu tiguneqarsimasoq, oqartoqarsinnaavoq.

Avammut niuerutiginninneq pineqartillugu akisussaaffik annertunerpaatigut Fødevarestyrelsimiippoq.

Fødevarestyrelsip nittartagaani ilaatigut Fødevarestyrelsip suliassaqarfiit suut akisussaaffiginerai atuarsinnaavutit aammalu maleruagassat atuuttut nassaarisinnaallugit.

Kalaallit Nunaannut inatsisinut tunngasut pillugit Fødevarestyrelsip nittartagaanut iserniarlutit una tooruk

 

Niueqatigiittarnermi inissisimaneq

Fødevarestyrelsip killilersuinernut nalunaarutaani nunat sorliit niueqatigineqartartutut inissisimanersut aammalu sorliit taamatut inissisimannginnersut (taamaattumillu nunatut allatut inissisimasut) aalajangerneqarpoq.

Nunanit niueqatigineqartartunit nunanut allanut maleruagassat sukannernerupput.

Kalaallit Nunaat aalisakkanit nioqqutissianut, uillunut il.il. tunngatillugu nunatut niueqatigineqartartutut inissisimavoq.

Killilersuinernut nalunaarut takuniarlugu una tooruk

 

Avammut niuerutiginninnissamut akuersissummik allagartaqarneq

Inuussutissanik aalajangersimasunik Kalaallit Nunaannit Danmarkimut avammut niuerutiginnissinnaassagaanni, Kalaallit Nunaanni suliffeqarfimmit tamatumunnga piumasaqaatit naapertorlugit Fødevarestyrelsimit akuersissummik allagartalerneqarsimasumit avammut niuerutiginninneq ingerlanneqassaaq.

Pisuni ataasiakkaani tamaginni piumasaqaatit paasinarsisinniarlugit Fødevarestyrelsip attaveqarfiginissaa isumassarsiatsialaavoq (imaluunniit Greenland Business taamaaliortillugu).

Qinnuteqarnermut immersugaq, kiisalu titartakkat nassuiaatillu naleqquttut nassiullugit Fødevarestyrelsimit allagartamik akuersissummik pissarsisoqartarpoq.

Suliaq immikkut pisariusuusimanngippat, Fødevarestyrelsi sapaatit akunnerisa 4-it iluanni aalajangiissaaq.

Allagartamik akuersissummik pissarsisimanermik Fødevarestyrelsi nalunaaruteqaqqaartinnagu inuussutissanik suliaqarneq aallarteqqusaanngilaq.

Tunisassiornerup il.il. annertuumik allannguuteqarnerani allagartamik akuersissummik nutaamik piniartoqassaaq.

Inuussutissanik suliaqartarneq pillugu Kalaallit Nunaannut nalunaarut atuarniarukku una tooruk

Allagartamut akuersissummut ilitsersuut takuniarukku una tooruk

Fødevarestyrelsimi allagartamik akuersissummik qinnuteqarniaruit una tooruk

 

Eqqussisartoq

Danmarkimit inuussutissanik eqqussisinnaassagaani, inuup imaluunniit suliffeqarfiup eqqussineq ingerlatissavaa. Nunamit niueqatigineqartartumit imaluunniit nunanit allaniit tamanna pinersoq apeqqutaanani.

Eqqussisartoq inuussutissat eqqunneqartut aammalu kaaviiaartitsivigineqartut EU-mi piumasaqaatinik immaqalu aamma nunami namminermi piumasaqaatinik naammassinnittuunissaannut akisussaasuuvoq. Tamanna imminut misissortarnermi qulakkeerneqassaaq.

Eqqussisartup inuussutissat isumannaatsuunerisa pissusissamisoortuunissaa, kiisalu danskit aamma EU-mi inatsisit attuumassuteqartut ilisimanissaat malinnissaallu, akisussaaffigaa.

Eqqussisartutut nalunaarsorsimasuusinnaanissamut inuk imaluunniit suliffeqarfik Danmarkimi angerlarsimaffeqartuussaaq, aammalu suliffeqarfik inuussutissanik suliaqartutut akuersissummik allagartamik pissarseqqaassaaq. (taamaattoq takuuk “inuinnarnut ataatsimoortumik nassiussisarneq”)

Eqqussisartup nioqqutissat nammineerluni tigusariaqanngilai toqqorsivimmiitittariaqarnagillu, kisianni tunisassiat pissusissamisoortuunerannut akisussaasuulluni.

Eqqussisartoq utertitsinermut immaqalu aamma inuussutissat isumannaatsuunissaannut piumasaqaatinik naammassinninngitsunik piuneerutsitsinissamut akisussaasuuvoq.

Uumasut nakorsaata nakkutiginninneranut nalunaarut atuarniarukku una tooruk

Eqqussisartutut nalunaarsortittarneq pillugu atuarniaruit una tooruk

Akuersissummik allagartaliisarnermut ilitsersuut takuniarukku una tooruk

 

Eqqussisartut imminut nakkutiginerat

Imminut nakkutiginermi ilaatinneqarput piumasaqaatit assigiinngitsut, ilaatigut pitsaasunik suleriaaseqarnissaq, ilaatigut imminut nakkutiginermut pisussanut pilersaarummik uppernarsarneqartumik ingerlatsisoqassasoq.

Ilitsersuut 2012 – eqqussisartut imminnut nakkutiginerat, iserfiginiarlugu una tooruk

 

Inuinnarnut ataatsimoorluni nassuissisarneq

Peqatigiiffik aqqutigalugu inuinnarnut Kalaallit Nunaannit neqinik inuussutissanik nassiussisoqarsinnaavoq, pisiniarfimmi niuerutigineqartussaanngitsunik.

Tassani eqqussisoq inuussutissanik suliaqartutut akuerineqarsimasussaaneq pillugu piumasaqaateqarfigineqanngilaq, kisianni eqqussinernik suliaqartussatut nalunaarsorsimassalluni.

Taamaattoq nassiussamik tigusinerit tamaasa, taamatut suliaqarluni fødevarestyrelsimut nalunaarutigineqartassaaq.

Inuinnaat eqqussisarnerat pillugu atuarniaruit una tooruk

(“Nunanut allanut neqinik tunisassianik eqqussineq” ataani annertussutsit akuerisaasut takusinnaavatit)

Uumasut nakorsaata nakkutiginninneranut nalunaarut atuarniarukku una tooruk

Tunisassiortunut akuerisanut EU-p allattuiffia

EU-mut inuussutissanik eqqussinissamut pisinnaatitaaffeqalersinnaanissamut, eqqussisoq tunisassiortunut akuerisaasunut EU-p allattuiffiani (Non-EU countries establishments) allassimassaaq.

Nunat allat, assersuutigalugu Island, aamma inuussutissanik eqqussinissamut akuersissummik pissarsisinnaanissamut piumasaqaatitut EU-p allattuiffiani allassimanissaq atorpaat.

Tunisassiortunut akuerisaasunut EU-p allattuiffia iserfiginiarukku una tooruk

 

EU-mi inatsisinik naalisaaneq

EU inatsisinut nittartakkamini EUR-lex-imi inatsisit naalisarnerinik saqqummersitsisarpoq, qulequttanut agguagaasumik.

Tassani naalisakkanut aamma inatsisinut soqutiginartitarnut iserniarlutik toortaasinnaavutit.

Naalisaanernut takussutissiamut iserniaruit una tooruk

 

Kalaallit Nunaata EU-mut / OLT-mut suleqataasutut ilaanera / EU-mut akitsuusigaanngitsunut periarfissaqarneq

Kalaallit Nunaat 1985-imi EU-mi suleqatigiinnermit anivoq. Tassunga atatillugu Kalaallit Nunaata aamma EU-p akornanni ataqatigiinnissamut isumaqatigiissummik taaneqartartoq isumaqatigiissutigineqarpoq.

Tamatuma kingorna Kalaallit Nunaat Nunanut nunasiaataasimasunut sinerialinnut (OLT) EU-mi aaqqissuussinermi pineqartunut ilaalerpoq. (takuuk Lissabon-imi isumaqatigiilluni aalajangersakkami artikel 204)

OLT-nut EU-mi aaqqissuussineq EU-mi isumaqatigiilluni aalajangersakkani, kingullermik Lissabon-imi isumaqatigiilluni aalajangersakkanit uppernarsarneqartunit, maleruagassiiviigneqarpoq.

OLT-it “IMMIKKOORTUT SISAMAAT – NUNAT NUNASIAATAASIMASUT SINERIALLIT ATAQATIGIINNERAT”-nit maleruagassiivigineqarput.

Artikel 200-imi aalajangerneqarpoq OLT-it akitsuuteqanngitsunik EU-mut eqqussisinnaasut.

Isumaqatigiilluni aalajangersakkap oqaasertai tamarmiusut atuarniarlugit una tooruk, imaluunniit danskisut htmlPDF imaluunniit EU-mut aviisimi

 

Aalisarnermi suleqatigisartakkatut isumaqatigiissuteqarneq

Ataqatigiinnissamut isumaqatigiissutip saniatigut Kalaallit Nunaat immikkut ittumik EU-mut aalisarnermi suleqateqarpoq.

Tamanna ilaatigut Lissabon-imi isumaqatigiilluni aalajangersakkamut isumaqatigiissut nr. 34-imi nassuiarneqarpoq.

 

Suleqatigisartakkatut isumaqatigiissut

EU-mut suleqatigiittut inissisimanissamut isumaqatigiissuteqartoqarpoq, taanna malillugu EU suliassaqarfiit arlallit iluanni Kalaallit Nunaanni piujuartitsiviusumik ineriartortitsinermut tapersiisinnaalluni.

Tamanna maannamut pingaartumik Kalaallit Nunaanni ilinniartitaanermut suliassaqarfimmi tapersiinissamut atorneqarpoq.

1. januar 2014 suleqatigiittut inissisimanissamut isumaqatigiissut nutaaq, 31. december 2020 tikillugu atuuttussaq, atuutilerpoq.

Suleqatigiittut inissisimanissamut isumaqatigiissut takuniarlugu una tooruk

 

EUR-lex

Uani EU-mi inatsisit tamaasa, kiisalu najoqqutassat tassunga tunngassuteqartut tamaasa, ujarsinnaavatit.

EUR-lex iserfiginiarlugu una tooruk

ATA Carnet

ATA Carnet nioqqutissanut pas-itut atorpoq, nioqqutissanut qaammatit 12-it iluanni anniseqqinneqartussanut, eqqussinissamut akuersissutaagallarluni (akileraarutinik akiliisussaanani).

Uani tamanna qanoq atorneqartarnersoq nassuiaaviusoq, video takusinnaavat:

 

Incoterms

Incoterms® maleruagassat nunani tamalaani niuernerup iluani oqaatsinik atuinermi pinngitsoorneqarsinnaanngitsut ilagaat. Nunarsuaq tamakkerlugu tunisinissamut isumaqatigiissutini ilanngullugit allanneqartarput, aammalu eqqussisartunut, avammut niuerutiginnittartunut, eqqartuussissuserisunut, assartuussisartunut, sillimmasiisarfinnut aammalu nunani tamalaani niuernermik ilinniartunut maleruagassiisuupput ilitsersuisuullutillu.

 

Assartuussinernut sunulluunniit tamaginnut maleruagassat

EXW Ex works

FCA Free Carrier

CPT Carriage Paid To

CIP Carriage and Insurance Paid To

DAT Delivered At Terminal

DAP Delivered At Place

DDP Delivered Duty Paid

 

Imaatigut aamma nunap iluani immakkut assartuinermut maleruagassat

FAS Free Alongside Ship

FOB Free On Board

CFR Cost and Freight

CIF Cost, Insurance and Freight

Scroll to Top