Innovation Greenland

Innovation Greenland Avannaata Kommunia suleqatigalugu aningaasaqarnermik aqutsinermut tunngaviusut pillugit pikkorissartitsivoq

Avannaata Kommunianik suleqateqarluni pikkorissaaneq naammassilluarpoq, tassanilu avannaani illoqarfinnit assigiinngitsuneersut peqataapput, soorlu Uummannaq, Saattut Qaanaarlu.

 

Avannaata Kommunia aallarnisaasartunut pikkorissaanissaq ataqatigiissarpaa pilersaarusiullugulu, kiisalu Innovation Greenland missingersuusiorneq pillugu pikkorissaanerup piviusunngortinnissaanut ikiuussimalluni.

 

“Missingersuusiorneq pillugu pikkorissaaneq piviusunngortinneratigut Avannaata Kommunianut ikiuussinnaasimanerput ajunngilluinnarpoq ingerlalluarlunilu, tassami kommunini inuussutissarsiornermut siunnersortinik suleqateqarsinnaaffigut peqataaffigerusukkatsigit ikiuunnissarpullu pingaartilluinnarlugu” oqarpoq Innovation Greenlandimi siunnersorti Arne Guldmann Petersen.

 

Nangillunilu “aallarnisaasartorpassuit piumassuseqartut kommunimi sumiiffinnit tamaneersut peqataapput, illoqarfinnit assigiinngitsunit peqataasut missingersuutinut tunngasunut pingaarutilinnut ilikkagaqarluariartortut taamatut amerlatigisut takussallugit nuanneqaaq”

 

”Inuussutissarsiornermut Ingerlatsivimmi qujamasoqaagut pikkorissaanissamut Arne Innovation Greenlandimeersoq suleqatigisinnaagatsigu. Nalunngilarpummi sammineqartut najukkami inuussutissarsiortunut pingaaruteqarluinnartut neriuppugullu pikkorissaanernik taamaattunik pilersitseqqittarsinnaajumaarluta. Pikkorissarneq tamaat pissarsilluarfioqaaq, inuussutissarsiortunuinnaanngitsoq, uagulli siunnersortigisatsinnut pikkorissaanermut peqataasunut” oqarpoq Suusaat Mathiassen, Avannaata Kommuniani Inuussutissarsiornermut Ingerlatsivimmi takornariaqarneq pillugu siunnersorti.

Leave a Comment

Your email address will not be published.

Scroll to Top