Innovation Greenland

Sisimiuni aallarnisaasartut workshoppertinneqarput!

Innovation Greenland sapaatip akunnera 38-mi Sisimiuni workshop-ertitsipput, makkualu sammineqarlutik missingersuusiorneq naatsorsuusiornerlu.

Arctic Circle Businessip iluatsilluartumik suleqatigeqqinneratigut Sisimiuni workshoppit piumaneqaqisut aaqqissuuteqqissinnaasimavagut.

”Aallarnisaasartut Sisimiuniittut tikillugit naapillugit, workshoppillu sivisuumik pilersaarutaasimasut ingerlallugit nuannaarutigisimavarput. Workshoppinut soqutiginnittorpassuummata peqataarusuttorpassuummata nuannaaqaagut.” – oqarpoq Paninnguaq Høegh Innovation Greenlandimi siunnersorti

Kommunini allani susassaqartitsineq

Innovation Greenland kommunit allat suleqatigaat kommuninilu allani aallarnisaasartunut piginnaanngorsarnissamut workshoppertitsinissaq pilersaarutaalluni.

Workshoppit imarisassaat pillugit oqaloqatigiinneq pilersaarusiornerlu kommunini inuussutissarsiornermut siunnersortit peqatigalugit aallartereerpoq.

Innovation Greenland pillugu

Naalakkersuisut inuussutissarsiutinut siuarsaanissamut aningaasaliissutaat Innovation Greenlandip suliarisarpai. inuussutissarsiutinut siuarsaanissamut aningaasaliissutinut atatillugu paasissutissanik suliaqarneq. Kalaallit Nunaanni aallarnisaasartunik siuarsaaneq pillugu inuussutissarsiortut najukkanilu inuussutissarsiornermut siunnersuisoqatigiit akornanni suleqatigiinneq.

Leave a Comment

Your email address will not be published.

Scroll to Top